Saturday, January 21, 2006


سؤال مر بخاطري ، ليه الناس زعلانة من بعض ؟ بقالي فترة بتأمل الناس اللي ماشية في الشارع أو في أي مكان في طريقة القائهم التحية وجوه عابسة ، سلام مقتضب يعني بيلقوا التحية وهم متضررين طيب ليه ، هو احنا مش طول عمرنا بنسمع إن الشعب المصري دة شعب لطيف ، طيب، دمه خفيف ، مضياف .... الخ طب ايه اللي حصل بقينا كشريين (كسرة علي الكاف و فتحة علي الشين) ليه ، يا تري ليه ؟؟؟؟؟

12 comments:

shortcut said...

ده يرجع لعدة اسباب:-1
الروتين اليومي اليلي يباتوا فيه يصبحوا فيه و مش بيعملوا حاجة جديدة مفرحة بالنسبة لهم
2- بيشيلوا الهم علي طول قلقانين
و ناسين ان ربنا بيشيل همنا و بيساعدنا
3- حاسين انهم دايما مستنين حاجة جاية من بره تفرحهم و نسيوا انهم ممكن يفرحوا نمفسهم
4- في حاجات بتزعل في اليوم اكيد بس لو متعودين نفرح نفسنا حنزعل فترة قصيرة و بعدين نرجع للحالة الطبيعة عشان نفكر ازاي نحل الحاجة اللي مزعلانة
و نصلي عشان ربنا يتصرف فيها

Randomly said...

السؤال هو ايه اللي اتغيرفي الناس؟ فين الطيبة اللي كانت علي وجوههم راحت؟

Noblese said...

maybe people don't see hope anymore; life is getting more expensive, the future of the country, the circumstances ... etc.

Amanie F. Habashi said...

الناس بقى ده العادي بتاعها، التكشيرة والتذمر، أي حل تاني وأي محاولة للتفاؤل أصبح مرفوض بشكل غريب وكأنه عيب أو حرام، وبعدين لو واحدة ابتسمت في الشارع الشباب المحروم والعجيب هيفتكر إنها بتحاول تعاكس والذي منه وهتبقى وقعتها سودة، لأ الأسباب كتيرة ومتنوعة والموضوع كبير. الناس بقت متحفزة لبعض، طيبة إيه، إزاي الواحد يكون طيب في مناخ يفتقد فيه للأمان؟؟؟!!!

change destiny said...

و الله أتمنى انه يكون الهدوء الذي يسبق العاصفة . يعني نوع من الاحتجاج السلبي على الأوضاع في الطريق انه يتحول لاحتجاج ايجابي

African Doctor said...

سألت ولداً صغيراً عندما كنت في بريطانيا آخر مرة: هل تريد الذهاب لمصر مرة أخرى؟
رد علىّ بالرفض
و لما سألتهع لماذا؟ قال:
because in Egypt all people are sad!
هذه كانت ملاحظة طفل صغير و لا تعليق عندي بعدها

Randomly said...

ياريت يا
change destiny
يكون كدة،
African Doctor هو دة اللي باقصده، الناس اصبحت كئيبة، حزينة و باقول اصبحت لانه دة مش الطبع المصري الأصيل،
شخصية افتراضية بأيدك بقوة ان الناس أصبحت متحفزة لبعض ف الكبيرة و الصغيرة، من صباح الخير لأكل العيش

Admin said...

علي كلام الطيبي الفريقي ضيوف كتير اجانب دايما يسألوني ليه الناس زعا\لانة في مصر خصوصا لو بتاكل في مطعم او تشتري حاجة...اعتقد انه الفقر

Randomly said...

sorry i can't write in arabic this time, but i wanted to say ka3.eem is it the poorness or frustration or oppression!!!!

Admin said...

definitely yes, it s the overall triangle u mentioned poverty, oppression n frustration n much more

Randomly said...

و الا هي نظرية الباب الضيق،
يعني لو اثنين بيعدوا من باب واحد
حنلاقي كل واحد بيقول للثاني اتفضل
لكن لو نفس الباب حايعدي منه 100
كل واحد حايدوس علي رجل اللي
جنبه علشان يعدي الأول

Anonymous said...

ناس تعبت

http://www.kochikayen.com