Saturday, May 20, 2006

مفاجأت


قررت ادارة المرور مفاجأة المواطنين بإلغاء الشهر المهلة علي تجديد رخصة السيارة
و طبعا بدون اخطار مسبق ،
و ذلك علي سبيل تسلية و مفاجأة المواطن المصري الزهقان من الروتين العادي في حياته
و عليه وقفني ظابط مرور من اياهم لمراجعة الرخص علشان ماكنتش رابطة الحزام ، و لما فال لي و كمان رخصتك منتهية ، بكل ثقة قولتله ما انا لسة في شهر المهلة و علي فكرة انا في طريقي للمرور علشان التجديد، قال لي لأ يا فندم مافيش حاجة اسمهاشهر مهلة ،
و عليه وقف يساومني اسيبلو كام علشان يرجعها لي بدل ما يسحبها
آه يا بلد ......

11 comments:

beastboy said...

طبعًا عادي، امال يلموا فلوس من المواطنين إزاي؟ وبعدين القانون في مصر لا يحمي المواطنين... وطبعًا لو قعدتي تفكري إنك تغلسي وترفضي، هيبقى قدامك رحلة البحث عن الرخصة الخلصانة المسحوبة. شفتي أهي دي آخرة اللي مايعملش الحاجات في مواعيدها؟

متبصليش كده، لازم تطلعي إنت اللي غلطانة في الآخر برضه ... أمال؟؟؟ عمار يا مصر

egiziana said...

طبعا، امال البلد اللي غلطانة؟

Abdou Basha said...

كله شيء ممكن الواحد يتحمله إلا منظر استلام الرخص، لما كل واحد معاه واسطة بتتلغي غراماته .

):

Noblese said...

So even for this 'small' change there is no decency for informing the citizens in the newspapers!

egiziana said...

not at all Noblese, it is kind of trap my dear to collect money !!!!!!!!

film69 said...

ماتنسيش تاخدي معاكي كل الأدوية والمهدئات أثناء رحلة التجديد
الموضة دلوقتي مفاجآت ومخالفات بالآلاف أحيانا لشخص مسافر وسيارته مرفوعة وقدأقسم لي صديق أن هذا حدث فعلا مع شخص يعرفه.
أنا شخصيا لو ده حصل معايا حاتنازل عن العربية أسهل :)))

egiziana said...

عبده باشا،كله اصبح مستفز، بداية من المعاملة الغير آدمية للمواطنين الي الكوسة العيني عينك المستفزة
فيلم 69 اخدت كل المهدئات الممكنة ، بس عندي تعليق لو عيشنا بالمهدئات في كل امورنا هنصبح شعب معوق ...

Tarek said...

إنتي بتكلمي جد ... لغوا شهر المهلة كدة منغير إحم و لا دستور ... عالم نصابيين صحيح

Anonymous said...

على فكرة. شهر المهلة متلغاش
كل الحكاية إن اللى وقفك ده كان عاوز
يطلع بقرشين

للأسف الشديد نسبة كبيرة من أمناء الشرطة فى الشوارع مرتشين وبيستغلوا
جهل المواطنين ويبتزوهم

للأسف لازم الواحد يعرف حقوقه كويس ويدخل شمال فى الناس دى لأنهم لما بيعرفوا إنك فاهم بيلموا الدور تماما.

egiziana said...

طارق و انونيموس، الظاهر اني طلعت عبيطة و استغلوني، معلش ماحدش بيتعلم ببلاش

الحصان الأسود said...

ممكن اقولك على حاجة

لازم تعرفي كويس انة طالما اديتي الرخصة للامين فا مش حاتاخديها تاني

يعني هوة بيعدي العربيات اللي مش حايسحب رخصها واللي حظها منيل وبيوقفها ويطلب رخصتها فدة معناة صريح انها مش حاتاخد الرخصة تاني ومش مهم السبب
يوم مايغلب يقولك الحزام او النمر مش باينة"طمس لوحات" انشالله يقولك الكاسيت عالي او فوانيس شابورة (برغم انها اصلا بتنزل مع السيارة)

يعني لازم تفهمي ان رخصتك مش راجعه ومفقود يا ولدي ومفقود مفقود مفقود

الحل بقى

ان حضرتك اول مايقولك ممكن الرخصة يا مدام

تقوليلة وعلى وشك تكشيرة منيلة بنيلة "لية؟؟ خير؟؟" و ماتمديش ايدك عالشنطة ولا حاجة

حايقولك اشوف رخصك بس

تقوليلة" " اااااة" لا والله مش معايا نسيتها

تحب تاخد العربية وانزل اخد تاكسي؟؟

هوة طبعا مش عاوز العربية ولا كدة زلا وجع دماغ

ومن غير رخصة مش حايقدر يكتبلك مخالفة ولا ايصال
هوة دة الحل

جربيها وشوفي ولو غتت معاكي روحي مبطلة العربية ومعشقاها وشادة فرامل اليد في ثانية والسيارة لسة في نص الشارع وتواخدة شنطتك وفاتحة الباب و نازلة توقفي تاكسي

وحاتشوفي اللي حايحصل وتستغربي