Monday, May 01, 2006


يؤسفني أن أستأنف الكتابة بمدونتي بعد فترة الصمت التي التزمت بها
لأبدأ بالتعبير عن كل المشاعر السلبية التي تتملكني هذه الأيام ،
مشاعر افتقاد الأمان في وطني ، مشاعر الإحباط من شعار البقاء للأفسد
(علي أعتبار ان افسد هو افعل التفضيل لفسد)، مشاعر الظلم الناتج عن سماع
ذوي الصوت المرتفع و ليس من هم يخاطبوا المنطق :
عدم أمان ناتج عن الأحداث الجارية اليوم ،
مش عارفة بالظبط احنا رايحين فين، اللي يتكلم و يعبر عن رأيه يعتقل لانه يتسبب في زعزعة الأمن (مش كتبوا كدة في الجرايد برضه؟) ، لكن اللي يدخل كنيسة لقتل المصلين فهو غير سليم عقليا
و اتكلفتت القصة
البقاء للأفسد ، بيتهيألي مفهومة اصبح التقييم و المراكز لمن يتمتعوا بموهبة "الهمبكة" و الو يا امم ...، هنا انا باتكلم علي عملي اللي المفروض انه شركة اجنبية بس ايه بقي اثبتت التجربة انها لا تأخذ بأساليب الإدارة لا الحديثة و لا القديمة ولكن بشعار الو يا امم ...
اما بقي عن ذوي الصوت المرتفع فللحديث بقية بعد ان اتابع الحلقة القادمة مع البهائيين ......
كلها خواطر مبعثرة بس للأسف مؤلمة

2 comments:

beastboy said...

hamdellah, I will write you more later, I don't have an arabic Keyboard here.

beastboy said...

الاحباط، افتقاد الأمان، ومين سمعك، المشكلة أن فيه فئة من الناس لو الواحد قال الكلمتين قدامهم يحسسوكي انك جاية من كوكب تاني، وان كل شيء تمام، وانك أكيد فاهمة حاجةغلط... هو بس لما يبقى احساس الأغلبية أكيد فيه حاجة هتتغير، وأما عن الصوت العالي سأستعين بكلمة شريكي العزيز: واطييييييي