Saturday, September 09, 2006

حادثة



عايزة احكي لكم عن موقف حصل وبس و خللي التعليقات عليكم ،
المكان : احد الأماكن الترفيهية المعروفة بمصر ، مكان بسيط جميل كله خضره و حدائق و روائح الخيل تملأ المكان،
الزمان : النهاردة،
الأبطال : شاب لا يتعدي السبعة عشرة عاما (كان في نزهة مع أصحاب في مثل عمره ومعهم مسئولي الرحلة) و شاب برتبة بالشرطة, علي ما يبدو حديث التخرج في كلية الشرطة،
الواقعة : اثناء ركوب الشاب ذو السبعة عشرة عاما الدراجة للأسف سقط من عليها و لسؤ حظه حدث هذا أثناء مرور هذا الشاب ذو لباس الشرطة مما تسبب في سقوطه هو الآخر امام مجموعة الشباب و الأهم 2 من المخبريين الذان كانا يرافقاه، فما كان منه الا و قد قام و بدأ بلطم الشاب لطمة قوية علي وجه و استعد المخبرين الإثنين لأداء واجبهم في ركل و لطم هذا الشاب الذي قام مذهولا من سقطته علي لكمات و حاجات غريبة كدة ، عندها قام المسئولين عن هؤلاء الشباب بتعنيف الشاب الضابط لرد فعله العنيف و المبالغ فيه، فما كان منه الا أن ازداد تجبراً و اخذ يصيح " هاتوهولي ده" ، تفتكروا كان عايزه ليه؟ ما تتعبوش دماغكم كتير ، كان عايزه علشان يكمل تمرين الضرب اللي بيدوهولهم في كلية الشرطة ،
ما علينا، عارفين ايه اللي فض الموضوع ؟ انه احد اصحاب الشاب له قريب ذو رتبة كبيرة و هو الذي طلب منه سرعة التدخل و قد كان
ياللا .... لا تعليق

6 comments:

a h m a d said...

It is awful when those policement whose job is the security of the citizens end up the ones responsible for attacking the citizens!

As the Arabic proverb,
حاميها حراميها
Its protectors are its theives.

Abdou Basha said...

إيجيزيانا
تعرفي القصص دي والمشاهد اللي من النوع ده اللي بشوفها في الشارع بتجبرني على عدم التفاؤل، وتجبرني اني أفكر انه فيه فوضى جاية بسبب عدم العدالة.. ولان البلد ماشية بالمزاج .
:(

Anonymous said...

يبدو أن الشرطي أحس بالإحراج بعد سقوطة أمام المخبرين فقام بفش غله في الشاب كنوع من رد هيبته أمامهم رغم أن الشاب ليس له ذنب
يعني من الأخر ده راجل معقد نفسيا و لازم يتعالج

egiziana said...

أحمد، عبده باشا و طارق أنا كمان باحزن لما المواقف دي بتحصل قدامي،
و اكتر من كدة لما يتعرض له شاب صغير لسة بيبدأ حياته و يتعرض لمهانة زي كدة، يا تري دة شايف مستقبله شكله ايه !!!!

ميشيل حنا said...

هي دي مصر.

el3araby said...

فعلا والله زي ما بيقول الاخ اللي كاتب(حاميها حراميها)
انا بس احب اقولك علي حاجه ده موقف عادي بالنسبه للي بيحصل عندنا في الجامعه او مثلا في اقسام الشرطه او في مكاتب السجل المدني في بعض المناطق اللي فيها ناس غلابه
وده غير طبعا اللي بيحصل في المعتقلات
في النهاية ارجو انك تزوري المدونه بتاعتي وتقري موضوع (هابي بولس داي وتشوفي الصور اللي مع الموضوع) وهابي بوليس داي