تساؤل

ما القاسم المشترك بين وائل الإبراشي، علاء و ابراهيم عيسي ؟

نكتة

هي نكتة قديمة بس إفتكرتها اليومين دول

مرة الريس عايز يزود شعبيته فقال لرئيس الوزراء يعلي الأسعار فالناس تتضايق
يقوم هو ينزلها, فعلا رئيس الوزراء زود الأسعار, بس الناس ما اتكلمتش, عادي
خالص,
الريس استغرب قوي, وقاله: طب خلي الضرايب على المرتبات خمسين للمية. زود
رئيس الوزراء الضرايب خمسين فى المية, الناس هزت دماغها وسكتت.
الريس اتجنن وقال لرئيس الوزرا بص, طلع أي قرار غشيم من عندك يخلي البلد
تولع, رئيس الوزرا عمل ضريبة اللي يعدي كوبري يدفع عشرة جنيه, الناس نفخت و
ضربت كف بكف ودفعوا,
فقام رئيس الوزرا خلى اللي يعدي يدفع عشرة جنيه وهو طالع, وعشرة جنيه وهو
نازل من الناحية التانية, الناس قالت اللهم طولك يا روح و أمرنا لله و دفعوا.
رئيس الوزرا كبرت فى دماغه, وأمر إن اللي يعدي بعد ما يدفع عشرة جنيه, و هو
خارج من الكوبري ياخد على قفاه, و نزل الريس بنفسه متنكر يتابع الموقف, الناس
تدفع وهية طالعة الكوبري عشرة جنيه, و عشرة جنيه و هية نازلة و تاخد على
قفاها وتمشي,
شوية و لقى واحد بيزعق و متضايق, وطى على ودنه قال له "مالك؟" قال له "حاجة
تقرف! أنا متعطل هنا بقالي خمس ساعات..ما ينفعش كدة ..لازم يزودوا الناس اللي
بتدينا على قفانا!!!!!!!!"

و لسة

منظر غريب شفته صراحة اثار اشمئزازي ، يمكن لأني لا اتردد اساسا علي تلك
الاماكن
( night clubs اللي هي)
و لكن اضطرتني الظروف دخول المكان دة في احد فنادق خمس نجوم مع مجموعة من الزملاء، حقيقي هي كانت ربع ساعة و هربت من المكان (انا وزميلة لي اجنبية) اللي اثار اشمئزازنا وجود اثنين مديرين في نفس الفندق عمرهم يتراوح بين اوائل الخمسينات و اخرها و في صحبتهم ثلاث بنات جميلات و شكلهن يعني ..
ولاد ناس (علي الأقل انا شفتهم كدة)، لا يزيد عمرهن عن ال 17 لابسين ما قل و دل
(bodies) من البديهات
bodyيعني باختصار شوية شرايط يادوب تمنع ال
من السقوط و امامهم تشكيلة من الويسكي و الجين و ما الي ذلك ، بدأت الموسيقي الشرقية و بدأت البنات الرقص اما بقي نظرات الرجلين الموجهة فهي الشهوة بعينها، اعدت اتأمل المنظر وعندي تسأولات كتيرة في ذهني : مثلا البنات دي نزلوا ازاي من بيوتهم كدة؟ ، ياتري دة مقابل فلوس و الا هي علي قد العشاء و الفسحة؟ و لو كدة يبقي ليه ؟ قد كدة محرومين و ما مصدقين يتعزموا من رجالة كبار (مقززين) ؟ طيب حايرجعوا بيوتهم ازاي ؟ و اساسا شكل بيوتهم ايه؟
طيب و الرجالة دي اساسا ازاي يستعملوا مكان عملهم بالطريقة دي و علني كدة؟ و هو يعني دة اللي بيجددلهم شبابهم ؟ طيب هم مش عندهم بنات في نفس سنهم او اكبر ؟
زميلتي خرجت من المكان دة مذعورة كل اللي بتفكر فيه بنتها اللي سنها 12 او 13 .
حكينا القصة لزميلة تانية اتهمتنا بالسذاجة وانه دة عادي جدا ، و انه بمنتهي البساطة البنات دي شغلتها كدة ...
ياللا و اهو كله اكل عيش